Ծննդյան թիվ և վայր՝  հունիսի 10, 1979թ․, Գեղարքունիքի մարզ, գյուղ Գեղարքունիք

Կրթություն՝  1995-1997թթ. «Գլաձոր» կառավարման համալսարան, միջազգային հարաբերությունների ֆակուլտետ

1999-2003թթ. Երևանի պետական համալսարան, միջազգային հարաբերությունների ֆակուլտետ, քաղաքագիտության բաժին

2003-2005թթ. Երևանի պետական համալսարան, միջազգային հարաբերությունների ֆակուլտետ, քաղաքագիտության բաժնի մագիստրատուրա

2005թ. Միջազգային հարաբերությունների նիդերլանդական ինստիտուտ «Քլինգենդայլ», Հաագա

2006թ. ԵՊՀ քաղաքագիտության ամբիոնի հայցորդ

2011թ. Եվրոպայի քոլեջ, Բրյուգե

2012թ. ՆԱՏՕ-ի պաշտպանության քոլեջ, Հռոմ

2019թ. Ռազմավարական հետազոտությունների NESA կենտրոն, Պաշտպանության ազգային համալսարան, Վաշինգտոն

Զինվորական ծառայություն՝

1997-1999թթ. ծառայել է ՀՀ զինված ուժերում:

Աշխատանքային գործունեություն՝

2004-2006թթ. ԱԳՆ Եվրոպայի վարչության ԵՄ բաժնի կցորդ

2006-2007թթ. ԱԳՆ Եվրոպայի վարչության ԵՄ բաժնի երրորդ քարտուղար

2007-2010թթ. Եվրոպական միությունում ՀՀ ներկայացուցչության երրորդ քարտուղար, Բրյուսել

2010-2013թթ. ԱԳՆ Եվրոպայի վարչության ԵՄ բաժնի երկրորդ քարտուղար

2013-2014թթ. Եվրոպայի խորհրդում ՀՀ մշտական ներկայացուցչության երկրորդ քարտուղար, Ստրասբուրգ

2014-2017թթ. Եվրոպայի խորհրդում ՀՀ մշտական ներկայացուցչի տեղակալ

2017-2018թթ. ԱԳՆ աշխատակազմի քարտուղարության առաջին քարտուղար

2018-2020թթ. ԱԳ նախարարի օգնական

2020-2021թթ. Հայաստանի՝ ՅՈՒՆԵՍԿՕ-ի ազգային հանձնաժողովի գլխավոր քարտուղար

2020-2021թթ. ԱԳՆ բազմակողմ քաղաքականության և զարգացման համագործակցության վարչության պետի պաշտոնակատար

2018-2021թթ. ԵՊՀ միջազգային հարաբերությունների ֆակուլտետ, դասախոս

2021թ. դեկտեմբերի 2-ից Եվրոպայի խորհրդում Հայաստանի Հանրապետության մշտական ներկայացուցիչ (նստավայրը՝ Ստրասբուրգ)

Տպագրված աշխատություններ՝

«Բանակցությունները բազմակողմ հարթակներում», Երևան, Հայաստանի դիվանագիտական դպրոց (2020թ.)

«Դիվանագիտական թղթակցությանն հայերեն-անգլերեն ուղեցույց», Երևան, Բավիղ (2006թ.)

«Ազգայնականությունը Եվրոպայում XX դարի վերջին», Երևան, Զանգակ-97 (2004թ.)

Դիվանագիտական աստիճան՝

Արտակարգ դեսպանորդ և լիազոր նախարար

Օտար լեզուներ՝

Ռուսերեն, անգլերեն, ֆրանսերեն

Ընտանեկան կարգավիճակ՝

Ամուսնացած է, ունի երկու երեխա:

Ծննդյան թիվ և վայր՝  1973թ․, ք․ Երևան

Կրթություն՝  1991-1995թթ. ԵՊՀ միջազգային հարաբերությունների ֆակուլտետ

1999-2001թթ. Սեյնթ Ջոնի համալսարան, միջազգային հարաբերություններ և կառավարում, Նյու Յորք

1997թ․ Տնտեսական զարգացման թայական մոդելի վերաբերյալ վերապատրաստման ծրագիր, Թամմասաթի համալսարանը, Բանգկոկ

2000թ․ Դիվանագիտության և միջազգային հարաբերությունների դպրոց, Սեթոն Հոլի համալսարան, Նյու Ջերսի Հանրային խոսքի թեմայով սեմինար

2001թ. Միջազգային և հասարակայնության հետ կապերի դպրոց, Կոլումբիայի համալսարան,ՄԱԿ-ում կանխարգելիչ դիվանագիտության և հակամարտությունների կարգավորման դասընթաց, Նյու Յորք

Աշխատանքային գործունեություն՝

1996-1998թթ. ՀՀ ԱԳՆ միջազգային տնտեսական համագործակցության վարչության միջազգային տնտեսական կազմակերպությունների բաժնի կցորդ

1998-2000թթ. ՄԱԿ-ում ՀՀ մշտական ներկայացուցչության երրորդ քարտուղար, Նյու Յորք

2000-2001թթ. ՄԱԿ-ում ՀՀ մշտական ներկայացուցչության երկրորդ քարտուղար, Նյու Յորք

2001-2005թթ․ ՀՀ ԱԳՆ միջազգային տնտեսական համագործակցության վարչության միջազգային տնտեսական կազմակերպությունների բաժնի պետ

2005-2010թթ․ Եվրոպական Միությունում ՀՀ առաքելության ղեկավարի տեղակալ, խորհրդական

2011-2012թթ․ ՀՀ Էկոնոմիկայի նախարարի՝ ԵՄ հարցերով խորհրդական

2013-2014թթ․ ՀՀ ԱԳՆ Եվրոպայի վարչության երկկողմ հարաբերությունների Կենտրոնական և Արևելյան Եվրոպայի բաժնի պետ

2014-2016թթ․ ՀՀ ԱԳՆ Եվրոպայի վարչության պետ

2016-2021թթ. Եվրոպայի խորհրդում ՀՀ մշտական ներկայացուցիչ

2021թ. նոյեմբերի 9-ից ՀՀ ԱԳ նախարարի տեղակալ

Գիտական աշխատություններ՝

“Europe’s Next Avoidable War” (Palgrave-Macmillan publication 2013, համահեղինակ)

“Managing Globalization in Selected Countries with Economies in Transition” (UN ESCAP publication 2003, համահեղինակ)

Մի շարք գիտական հոդվածների հեղինակ է:

Դիվանագիտական աստիճան՝

Արտակարգ և լիազոր դեսպան

Օտար լեզուներ՝

Անգլերեն, ռուսերեն, ֆրանսերեն

Ծննդյան թիվ և վայր՝ 1973թ․ նոյեմբերի 22, ք. Երևան

Կրթություն՝ 1990 -1995թթ.  Գլաձոր կառավարման համալսարանի  Միջազգային հարաբերությունների ֆակուլտետ, միջազգայնագետ-պատմաբանի որակավորում:

2000թ. Ֆլեթչերի իրավունքի և դիվանագիտության դպրոց, Թաֆթսի համալսարան, Բոստոն, ԱՄՆ

1999 և 2001թթ. Մասնագիտական վերապատրաստման ծրագրեր` Ջորջ Մարշալի անվան Անվտանգության ուսումնասիրությունների եվրոպական կենտրոն, Գերմանիա և ՆԱՏՕ-ի պաշտպանության քոլեջ, Հռոմ, Իտալիա:

Աշխատանքային գործունեություն՝

1997 -1999թթ. ՀՀ ԱԳՆ ռազմաքաղաքական վարչության երկկողմ ռազմական համագործակցության բաժնի կցորդ, այնուհետև երրորդ քարտուղար:

1999-2002թթ. ԱԳՆ Սպառազինությունների վերահսկման և միջազգային անվտանգության վարչություն ՆԱՏՕ-ի հետ համագործակցության բաժնի երկրորդ քարտուղար:

2002-2005թթ. Ժնևի ՄԱԿ-ի գրասենյակում ՀՀ մշտական ներկայացուցչության երկրորդ քարտուղար, Ժնև, Շվեյցարիա:

2002-2005թթ. Շվեյցարիայում ՀՀ դեսպանության երկրորդ քարտուղար (նստավայրը՝ Ժնև):

2005-2007թթ. ԱԳՆ Սպառազինությունների վերահսկման և միջազգային անվտանգության վարչություն սովորական սպառազինությունների վերահսկման բաժնի վարիչ

2007-2011թթ. ԵԱՀԿ-ում ՀՀ մշտական ներկայացուցչության խորհրդական - առաքելության ղեկավարի տեղակալ, Վիեննա, Ավստրիա

2011թ․ ՀՀ ԱԳՆ Եվրոպայի վարչության խորհրդական, Երևան

2013թ. Եվրոպայի խորհրդի Նախարարների պատվիրակների նախագահ

2016թ. Եվրոպայի խորհրդի Ծրագրերի, բյուջեի և աշխատակազմի հարցերով զեկուցողների խմբի (կոմիտեի) նախագահ

2011-2016թթ.  Եվրոպայի Խորհրդում Հայաստանի Հանրապետության մշտական ներկայացուցիչ (նստավայրը` Ստրասբուրգ)

2016-2018թթ․ ՀՀ արտաքին գործերի նախարարի տեղակալ

2018թ-ից Ավստրիայի Հանրապետությունում Հայաստանի Հանրապետության արտակարգ և լիազոր դեսպան (նստավայրը՝ Վիեննա)

2019թ-ից Եվրոպայի անվտանգության և համագործակցության կազմակերպությունում Հայաստանի Հանրապետության առաքելության ղեկավար, Վիեննայում Միավորված ազգերի կազմակերպության գրասենյակում և այլ միջազգային կազմակերպություններում Հայաստանի Հանրապետության մշտական ներկայացուցիչ (նստավայրը՝ Վիեննա)

2019թ. օգոստոսի 9-ից Սլովակիայի Հանրապետությունում ՀՀ արտակարգ և լիազոր դեսպան (նստավայրը՝ Վիեննա)

Օտար լեզուներ`

Ռուսերեն, անգլերեն, ֆրանսերեն

Ընտանեկան կարգավիճակ՝

Ամուսնացած է, ունի երկու երեխա:

Ծննդյան թիվ և վայր՝  1966թ. մարտի 20, ք․ Երևան

Կրթություն՝ 1990թ.  Միջազգային տնտեսական հարաբերությունների ֆակուլտետ, Մոսկվայի միջազգային հարաբերությունների պետական ինստիտուտ, Մոսկվա, Ռուսաստան

1989թ.  Ակադեմիական ստաժ և աշխատանքային գործուղում, ԱՄՆ-ում ԽՍՀՄ դեսպանություն, Վաշինգտոն, ԱՄՆ

1991թ.  Մագիստրոսի աստիճան Արևմտաեվրոպական քաղաքականության բնագավառում, Քաղաքագիտության ֆակուլտետ, Մանչեսթերի Վիկտորիա համալսարան, Մանչեսթեր, Մեծ Բրիտանիա

Աշխատանքային գործունեություն՝

1991-1993թթ.  Երրորդ, հետագայում երկրորդ քարտուղար, Եվրոպայի վարչություն, ՀՀ Արտաքին գործերի նախարարություն, Երևան, Հայաստանի Հանրապետություն

1993-1997թթ.  Երկրորդ, հետագայում առաջին քարտուղար, Մեծ Բրիտանիայում ՀՀ դեսպանություն, Լոնդոն, Մեծ Բրիտանիա

1995-1997թթ.  Առաջին քարտուղար (նստավայրը՝ Լոնդոն), Վատիկանում ՀՀ դեսպանություն

1997թ. ՀՀ Վարչապետի օգնական, Երևան, Հայաստանի Հանրապետություն

1997-1998թթ.  Առաջին եվրոպական վարչության պետ, Արտաքին գործերի նախարարություն

1998-1999թթ.  Եվրոպայի վարչության պետ, Արտաքին գործերի նախարարություն

1999-2002թթ.  Արտաքին հարաբերությունների վարչության պետ, ՀՀ Նախագահի աշխատակազմ

2002-2008թթ.  Ժնևի ՄԱԿ գրասենյակում և այլ միջազգային կազմակերպություններում ՀՀ մշտական ներկայացուցիչ, դեսպան, Ժնև, Շվեյցարիա

2002-2008թթ.   Շվեյցարիայի համադաշնությունում ՀՀ Արտակարգ և լիազոր դեսպան, նստավայրը` Ժնև, Շվեյցարիա

2008-2011թթ. Եվրոպայի Խորհրդում ՀՀ մշտական ներկայացուցիչ, դեսպան, Ստրասբուրգ, Ֆրանսիա

2011-2014թթ. ՀՀ արտաքին գործերի նախարարի տեղակալ

2014-2018թթ․ ՀՀ մշտական ներկայացուցիչ Միավորված ազգերի կազմակերպությունում, Նյու Յորք:

2018-2020թթ. ՀՀ արտաքին գործերի նախարար

Դիվանագիտական աստիճան՝

Արտակարգ և լիազոր դեսպան

Օտար լեզուներ՝

ռուսերեն, անգլերեն, ֆրանսերեն

Ընտանեկան կարգավիճակ՝

Ամուսնացած է, ունի երկու որդի:

1951-2023թթ.

Ծննդյան վայր՝ Ֆրանսիա

Կրթություն՝  Փարիզի VII համալսարան, Պատմության դասավանդման որակավորում

Աշխատանքային գործունեություն՝

1991-1992թթ․ ՀՀ ԱԳՆ Եվրոպայի վարչության պետ

1992-1993թթ. ՀՀ ԱԳ նախարարի խորհրդական, Եվրոպայում անվտանգության և համագործակցության համաժողովում (ԵԱՀՀ, ներկայում՝ ԵԱՀԿ) հայկական պատվիրակության ղեկավար, Լեռնային Ղարաբաղի վերաբերյալ ԵԱՀՀ-ի խաղաղության բանակցություններում հայկական պատվիրակության ղեկավար

1993-1996թթ. Եվրոպական միությունում ՀՀ ներկայացուցչության խորհրդական, այնուհետև՝ արտակարգ դեսպանորդ և լիազոր նախարար, ներկայացուցչության ղեկավարի տեղակալ

1996-1998թթ․ Ֆրանսիայում ՀՀ դեսպանության արտակարգ դեսպանորդ և լիազոր նախարար

1998-1999թ. Ֆրանսիայի ՀՀ գործերի ժամանակավոր հավատարմատար

1999-2001թթ. Եվրոպայի խարհրդում ՀՀ ներկայացուցիչ

2001թ․ մարտին ՀՀ նախագահի հրամանագրով շնորհվել է ՀՀ արտակարգ և լիազոր դեսպանի աստիճան

2001-2008թթ. Եվրոպայի խորհրդում ՀՀ մշտական ներկայացուցիչ

2004-2005թթ. Եվրոպայի խորհրդի Նախարարների կոմիտեի զեկուցող` կանանց և տղամարդկանց միջև իրավահավասարության հարցերով

2004-2006թթ. Եվրոպայի խորհրդի Նախարարների կոմիտեի՝ կրթության և մշակույթի հարցերով Զեկուցողների խմբի նախագահ

2006-2007թթ. Եվրոպայի խորհրդի Նախարարների կոմիտեի՝ միջմշակութային երկխոսության կրոնական ուղղվածության հարցերով Աշխատանքային խմբի նախագահ

2008-2013թթ․ ՀՀ ԱԳ նախարարի խորհրդական ֆրանկոֆոնիայի հարցերով: Այս պաշտոնում ջանքեր է գործադրել 2012 թվականի հոկտեմբերին Կինշասայում (Կոնգոյի Դեմոկրատական ​​Հանրապետություն) տեղի ունեցած Ֆրանկոֆոնիայի XIV գագաթնաժողովի ընթացքում Հայաստանի Հանրապետության՝ Ֆրանկոֆոնիայի միջազգային կազմակերպությանը որպես լիիրավ անդամ անդամակցելու ուղղությամբ։

2013-2019թթ. Ֆրանկոֆոնիայի միջազգային կազմակերպությունում Հայաստանի Հանրապետության ներկայացուցիչ (նստավայրը՝ Փարիզ)։ Այս պաշտոնում ակտիվորեն մասնակցել է 2018 թվականի հոկտեմբերին Երևանում Ֆրանկոֆոնիայի XVII գագաթնաժողովի կազմակերպմանը։

2014-2015թթ. Ֆրանսիայի ֆրանկոֆոն դեսպանների խմբի նախագահ (G.A.F.F.), G.A.F.F.-ի ղեկավար խորհրդի անդամ

2015-2017թթ. Ֆրանկոֆոնիայի մշտական խորհրդի համագործակցության և ծրագրավորման հանձնաժողովի նախագահ

2015-2017թթ. Կենտրոնական և Արևելյան Եվրոպայում Ֆրանկոֆոնիայի ազգային համակարգողների ցանցի (RESIFECO) նախագահ

2017 թվականի մարտի 29-ին ընտրվել է Ֆրանկոֆոնիայի մշտական խորհրդի Քաղաքական հանձնաժողովի փոխնախագահ 2016-2019 թվականների ժամանակահատվածի համար և Երևանի Գագաթնաժողովի կողմից ընդունվելիք փաստաթղթերի խմբագրման հանձնաժողովի նախագահ

2019թ. հունվարի 17-ին ՀՀ նախագահի հրամանագրով նշանակվել է Միավորված ազգերի կրթական, գիտական և մշակութային կազմակերպությունում (ՅՈՒՆԵՍԿՕ) Հայաստանի Հանրապետության մշտական ​​ներկայացուցիչ և Ֆրանկոֆոնիայի միջազգային կազմակերպությունում Հայաստանի Հանրապետության վարչապետի անձնական ներկայացուցիչ

2019թ. մարտի 1-ից Ֆրանկոֆոնիայի մշտական ​​խորհրդի քաղաքական հանձնաժողովի նախագահն էր։

2019-2020թթ. ՅՈՒՆԵՍԿՕ-ի ֆրանկոֆոն դեսպանների խմբի նախագահ (GAFU), GAFU-ի բյուրոյի անդամ

2019թ. նոյեմբերի 12-ից 2019թ. նոյեմբերի 27-ը ՅՈՒՆԵՍԿՕ-ի Գլխավոր կոնֆերանսի 40-րդ նստաշրջանի Հաղորդակցության և տեղեկատվության հանձնաժողովի նախագահ

2021թ․ նոյեմբերի 19-ին՝ ՅՈՒՆԵՍԿՕ-ի Գլխավոր կոնֆերանսի 41-րդ նստաշրջանի ընթացքում՝ 2021թ․ նոյեմբերի 17-ին ՅՈՒՆԵՍԿՕ-ի Գործադիր խորհրդի կազմում Հայաստանի ընտրվելուց հետո, նշանակվել է ՅՈՒՆԵՍԿՕ-ի Գործադիր խորհրդում ՀՀ պաշտոնական ներկայացուցիչ 2021-2025թթ. ժամանակահատվածի համար:

Այլ գործունեություն՝

1983 թվականին եղել է «Solidarité Franco Arménienne» (S.F.A.) ասոցիացիայի հիմնադիր անդամ, իսկ 1987 թվականին դարձել է վերջինիս նախագահը։ Այդ համատեքստում գործունեություն է ծավալել հայկական հարցի և մասնավորապես 1915-1916 թվականների Հայոց ցեղասպանության պատմական իրողության վրա ֆրանսիական քաղաքական և մտավոր շրջանակների ուշադրությունը հրավիրելու ուղղությամբ։ Զուգահեռաբար 1987 թվականի հունիսին ջանքեր է գործադրել Եվրախորհրդարանի կողմից Հայոց ցեղասպանության ճանաչման օգտին։

1988 թվականից սկսած՝ Ֆրանսիայում և եվրոպական կառույցներում կազմակերպել է քաղաքական աջակցություն Ղարաբաղ կոմիտեին, որը մարմնավորում էր ժողովրդավարական զարթոնքը Հայաստանում, և որի գործունեությունը հանգեցրեց Հայաստանի անկախությանը։

Անձամբ լիազորվել է Հայաստանի Հանրապետության Գերագույն խորհրդի նախագահ պարոն Լևոն Տեր-Պետրոսյանի կողմից կազմակերպելու քաղաքական հանդիպումներ, որոնք տեղի են ունեցել 1991 թվականի մայիսին՝ Տեր-Պետրոսյանի՝ Ֆրանսիա կատարած այցի շրջանակներում՝ 1991 թվականի սեպտեմբերին կայացած Հայաստանի անկախության հանրաքվեից մի քանի ամիս առաջ։

Շքանշաններ՝

Հայաստանի Հանրապետության Արտաքին գործերի նախարարության 1-ին աստիճանի պատվո մեդալ

ՀՀ «Մխիթար Գոշ» շքանշան

Պլեյադ՝ Ֆրանկոֆոնիայի և մշակույթների երկխոսության շքանշան

Դիվանագիտական աստիճան՝

Արտակարգ և լիազոր դեսպան

Օտար լեզուներ՝

Ֆրանսերեն, անգլերեն

Ընտանեկան կարգավիճակ՝

Ամուսնացած էր, ուներ մեկ դուստր։